- وردة سوسن«••المراقبة العامه••»
- الجنس :
عدد المساهمات : 1958
تاريخ التسجيل : 25/10/2009
العمر : 28
العمل/الترفيه : حاسوب
مواقف مشرف منتدى شايب
الأربعاء فبراير 24, 2010 1:37 pm
هذي مواقف صارت لأحد الأخوة ..
مع مشرف كبير في السن في منتداهم يقول عن هالشايب :
أخينا في الله ... إنسان طيب لدرجة كبيرة .. على نياته
في كل مرة أخش قسم المحذوفات أضحك وبقوة ...
كلما أحذف مواضيع مخالفة ألقاه راح لقسم المحذوفات ...
يعلق وينصح ... وطبعاً منتدى المحذوفات .. ما يشوفه غير الإداريين ...
وهو على باله ... القسم مفتوح للكل ...
المشكلة يكتب رد تقريباً عشرين سطر تقدر تلخصهم بكلمتين وهي
( خاف ربك )
بس !!
ولما أوضح له وأقول المنتدى ما يشوفه غيرنا يقول :
لا ياخي موجود بالصفحة الرئيسية ...
وش فهمك انت ؟
خخخخخخخخخ
والمشكلة يقول لي بالرسائل الخاصة :
ياليت تنصحهم معي !!...
حاول مدير الموقع يبغى يقنعه ما نفع .. راسه ناشف لبى قلبه .
قلنا نخليه على عماه .
وفي مرة من المرات أرسلت له مشرفة رسالة تستشيره بموضوع ...
قالت له :
أبو فلان بودي أطرح موضوع كذا وكذا في قسمك ..
ما أدري وش رأيك ؟
جاوبها بس وين ؟ !!
رد عليها في قسمه يعني نزل موضوع قدام الاعضاء ..
يقول :
إلى الأخت الموقرة فلانه ..
أنا إنسان متزوج وعندي عيال ... أرجو إني ما زعلتك ...
أرجو يكون الكلام قدام الناس مو بالرسايل الخاصة
وشكراً
من شان كذا طرحت الموضوع ما ابي يكون الشيطان ثالثنا ...
لوووووووووووووول
جفل البنت علينا وتركت المنتدى بسبته
والمشكلة المشرف العام يحذف موضوعه ويرجع يكتبه مرة ثانية
وحاولنا نفهمه بالرسايل ما رضي يفهم يرد علينا ويقول :
لابد أنصحها ...
عموماً البنت أظنها لليوم مافتحت المنتدى وأظن النت كله بعد .. هجّت
هع هع ...
وفي مرة عقدنا اجتماع ...
عشان نحرك المنتدى ونسوي مسابقات تحرك المنتدى
كل واحد منا ... تمزهل يعني تكفل ببطاقة سوا أم 100 ريال >> زي بعض الناس اللي عندنا
و صار كل واحد منا يسوي مسابقة ...
اللي بالخواطر يختار أفضل خاطرة للشهر
واللي في الجوال أفضل برنامج
واللي بالرسم أحلى لوحة ..
وهو اختار أسئله يطرحها على الأعضاء ... لمدة اسبوع
واللي يجمع أكثر نقاط ... يفوز ....
أخينا في الله ماشي بالمسابقة تمام ...
بس في آخر المطاف وبعدما انتهت المسابقة ..
عند تسليم الجائزة اللي هي بطاقة سوا 100 ريال...
تتوقعون وش سوى ؟
بدل مايرسل البطاقة للعضو بالرسائل الخاصة كتب رد في نهاية المسابقة
يقول:
مبرررروك للفائز .. ببطاقة هلا فئة 100 ريال ...
وإن شاء الله يكون حافز للنشاط
وهذا رقم البطاقه 123456789123456
سجله قدام الكل !! ...
خخخخخخخخخ
الرجال اللي فاز بالمسابقة يقول وين البطاقة ما تشحن ؟ ...
قال له الشايب :
والله البطاقة جديدة .. أنا اللي كاشط الرقم بنفسي !!
وشفيك ؟ يعني بنلعب عليك ما تثق فينا
خخخخخخخخخخخ
على باله ما في أحد لطشها من الزوار أو الأعضاء
لووووووووووووووول
راحت البطاقة الله يخلف ..
وتكفلنا نشتري للرجال بطاقة بدالها وارسلناها له على الخاص .
المصيبة أحياناً ينزل مواضيع في قسمه .. ويكتب :
( أرجو التثبيت )...
وزي منتم عارفين المشرف هو اللي يثبت المواضيع ويفكها ...
هو لا يكتب الموضوع بالقسم اللي يشرف عليه ويقول :
( أرجو التثبيت )
والله حاله ما كنّه طولها ؟؟
المشرف العام تحمله ... لسببين ...
أولهم أنه رجال كبير كبر ابوه ..
والسبب الثاني أنه على نياته طيب ماله في العوجا ...
بس يوم انه زودها خلاص ..
كتب له المشرف العام بطريقة غير مباشرة يقول في قسم المشرفين : ..
( يا جماعة ... اللي ما يقدر على الإشراف يقدم اعتذاره )
كان المشرف العام يتوقع أنه يرد ويقول :
خلاص أنا أقدم اعتذاري ..
لكن وش قال ؟ ...
قال :
( فعلاً هناك بعض المشرفين باردين أتمنى يتحركون من أجل مصلحة المنتدى
وياليت يتفاعلون مع الأعضاء .... عشان يوصلون لأعلى المناصب ... )
هع هع
الرجال يخطط على مراقب أو نائب مشرف عام ...
ههههههههه
والله شايب طمووووووووح
هههههههههههههههه
طبعاً منقول مع بهاراتي التي لا بد منها وإضافة الصور كذلك
عاد إذا ضحكتوا وانبسطتوا ..
يا ويل اللي بيربط بيني وبينه
[size=25]( تحذير شديد اللهجة ) [/size]
- { M ♥ 7 ♥ M ♥ D }عضو خارق مرشح للأشراف
- الجنس :
عدد المساهمات : 1832
تاريخ التسجيل : 27/10/2009
العمر : 27
العمل/الترفيه : طالب
رد: مواقف مشرف منتدى شايب
الجمعة فبراير 26, 2010 2:17 am
هههههههههههههههه
موضوع حلو اوي
موضوع حلو اوي
- مايلي سايرس«••عضو مرشح للاشراف••»
- الجنس :
عدد المساهمات : 45
تاريخ التسجيل : 01/12/2009
العمر : 30
العمل/الترفيه : الحاسوب
رد: مواقف مشرف منتدى شايب
السبت مارس 20, 2010 11:30 am
يسلمووووووو
- naneyqueen«••مشرفة المميزة••»
- الجنس :
عدد المساهمات : 195
تاريخ التسجيل : 05/11/2009
العمر : 28
العمل/الترفيه : طالبة
رد: مواقف مشرف منتدى شايب
الخميس أبريل 01, 2010 7:24 am
ههههههههههه
ميرسى الموضوع جامد
ميرسى الموضوع جامد
- Rock the Music oUtعضو خارق مرشح للأشراف
- الجنس :
عدد المساهمات : 1610
تاريخ التسجيل : 22/06/2010
العمر : 26
العمل/الترفيه : لاعب كرة قدم
رد: مواقف مشرف منتدى شايب
الخميس يونيو 24, 2010 1:45 pm
شكرااااااااا على المجهود الشاق
صلاحيات هذا المنتدى:
لاتستطيع الرد على المواضيع في هذا المنتدى